kabhi dhanak sii utartii thii un nigaahon men

Kabhi dhanak see utartee thee un nigaahon men Vo shokh rang bhee dheeme paDe havaaon men Main tez-gaam chalee jaa rahi thee us kee samt Kashish ajiib thee us dasht kee sadaaon men Vo ik sadaa jo fareb-e-sadaa se bhee kam hai Na Doob jaa.e kaheen tund-rau havaaon men Sukoot-e-shaam hai aur main hoon gosh-bar-awaaz Ki ek va.ade kaa afsoon saa hai fazaaon men Miree tarah yoonhee gum-karda-raah chhoDegee Tum apnee baanh na denaa havaa kee baanhon men Nuqoosh paanv ke likhte hain manzil-e-naa-yaaft Miraa safar to hai tahreer meree raahon men Kabhi dhanak si utarti thi un nigahon mein Wo shoKH rang bhi dhime paDe hawaon mein Main tez-gam chali ja rahi thi us ki samt Kashish ajib thi us dasht ki sadaon mein Wo ek sada jo fareb-e-sada se bhi kam hai Na Dub jae kahin tund-rau hawaon mein Sukut-e-sham hai aur main hun gosh-bar-awaz Ki ek wade ka afsun sa hai fazaon mein Meri tarah yunhi gum-karda-rah chhoDegi Tum apni banh na dena hawa ki banhon mein Nuqush panw ke likhte hain manzil-e-na-yaft Mera safar to hai tahrir meri rahon mein