mere haath dil men kab se rim jhim kartii

Dil men kab se rim-jhim kartee Kaisee barkhaa baras rahi hai Is barkhaa ke amrit ras se Bhiig chukee main bhiig chukee main Lagtee chhuptee dhoop aur baadal Ye aakaash ke nanhe baalak Khel rahe hain hanste hanste Kilkaaree bharte sabze ko Shokh havaa.en chheD rahi hain Main bhee apne pankh jhaTak kar Par tauloon aur bharoon uDaanen Apne badan men khud kho jaaon Ye tan kaa aakaash ye dhartee Dheere dheere phail rahi hai Aur mere haathon ke pakheroo Ye chanchal bechain parinde Ek anokhe raaz se be-kal Dhartee men kuch DhoonD rahe hain DhoonD rahe hain aise pal ko Jis kee khoj men dil rahtaa hai Jis pal dhartee mile gagan se Vo pal mere tan ke baahar Kaheen nahin hai kaheen nahin hai Ye panchi ye narm pakheroo Janmon se dhartee ke sangee Is kaayaa ke taal kinaare Dheere dheere DhoonD rahe hain Kho.e hue pal kee kankariyaan Dil mein kab se rim-jhim karti Kaisi barkha baras rahi hai Is barkha ke amrit ras se Bhig chuki main bhig chuki main Lagti chhupti dhup aur baadal Ye aakash ke nanhe baalak Khel rahe hain hanste hanste Kilkari bharte sabze ko ShoKH hawaen chheD rahi hain Main bhi apne pankh jhaTak kar Par taulun aur bharun uDanen Apne badan mein KHud kho jaun Ye tan ka aakash ye dharti Dhire dhire phail rahi hai Aur mere hathon ke pakheru Ye chanchal bechain parinde Ek anokhe raaz se be-kal Dharti mein kuch DhunD rahe hain DhunD rahe hain aise pal ko Jis ki khoj mein dil rehta hai Jis pal dharti mile gagan se Wo pal mere tan ke bahar Kahin nahin hai kahin nahin hai Ye panchhi ye narm pakheru Janmon se dharti ke sangi Is kaya ke tal kinare Dhire dhire DhunD rahe hain Khoe hue pal ki kankariyan