muddat se ye aalam hai dil kaa hanstaa bhi nahin rotaa bhi nahin

Muddat se ye aalam hai dil kaa hanstaa bhee nahin rotaa bhee nahin Maazee bhee kabhi dil men na chubhaa aa.inda kaa sochaa bhee nahin Vo mere honT pe likkhaa hai jo harf mukammal ho na sakaa Vo meree aankh men bastaa hai jo khvaab kabhi dekhaa bhee nahin Chalte chalte kuch tham jaanaa phir bojhal qadmon se chalnaa Ye kaisee kasak see baaqee hai jab paanv men wo kaanTaa bhee nahin Dhundlaa.ee huee shaamon men koi parchhaa.een see phirtee rahtee hai Main aahaT suntee hoon jis kee wo vahm nahin saaya bhee nahin Taz.een-e-lab-o-gesoo kaisee pindaar kaa sheesha Toot gaya Thee jis ke liye sab aaraa.ish us ne to hamen dekhaa bhee nahin Muddat se ye aalam hai dil ka hansta bhi nahin rota bhi nahin Mazi bhi kabhi dil mein na chubha aainda ka socha bhi nahin Wo mere honT pe likkha hai jo harf mukammal ho na saka Wo meri aankh mein basta hai jo KHwab kabhi dekha bhi nahin Chalte chalte kuch tham jaana phir bojhal qadmon se chalna Ye kaisi kasak si baqi hai jab panw mein wo kanTa bhi nahin Dhundlai hui shamon mein koi parchhain si phirti rahti hai Main aahaT sunti hun jis ki wo wahm nahin saya bhi nahin Tazin-e-lab-o-gesu kaisi pindar ka shisha TuT gaya Thi jis ke liye sab aaraish us ne to hamein dekha bhi nahin