qatra qatra qatra qatra dil men aansuu girte hain

Qatra-qatra dil men aansoo girte hain Ik aansoo us shakhs kaa jo begaana hai Ik aansoo us naam kaa jo ham le na sake Ik aansoo us duaa kaa jo puuree na huee Ek fuzool see baat ki jo be-sood kahee Aansoo meraa khvaab main jis se ghabraa.oon Aansoo meree muraad jise main bhulaa.oon Ik aansoo us chehre kaa jo yaad rahe Aankhon ke raste jo dil men utar jaa.e Ik aansoo us Thahre-Thahre lahje kaa Ik aansoo us vahm kaa zehn men jo aayaa Ik aansoo us jhuuT kaa jo auron se kahaa Pheekee hansee se kaise qissa khatm kiyaa Lamha-lamha raat guzartee jaatee hai Qatra-qatra dil men aansoo girte hain Qatra-qatra dil mein aansu girte hain Ek aansu us shaKHs ka jo begana hai Ek aansu us nam ka jo hum le na sake Ek aansu us dua ka jo puri na hui Ek fuzul si baat ki jo be-sud kahi Aansu mera KHwab main jis se ghabraun Aansu meri murad jise main bhulaun Ek aansu us chehre ka jo yaad rahe Aankhon ke raste jo dil mein utar jae Ek aansu us Thahre-Thahre lahje ka Ek aansu us wahm ka zehn mein jo aaya Ek aansu us jhuT ka jo auron se kaha Phiki hansi se kaise qissa KHatm kiya Lamha-lamha raat guzarti jati hai Qatra-qatra dil mein aansu girte hain