ye pairahan jo mirii ruuh kaa utar na sakaa

Ye pairahan jo miree ruuh kaa utar na sakaa To nakh-ba-nakh kaheen paivast resha-e-dil tha Mujhe ma.aal-e-safar kaa malaal kyoon-kar ho Ki jab safar hee miraa faaslon kaa dhokaa tha Main jab firaaq kee raaton men us ke saath rahi Vo phir visaal ke lamhon men kyuun akelaa tha Vo vaaste kee tiraa darmiyaan bhee kyuun aa.e Khudaa ke saath miraa jism kyuun na ho tanhaa Saraab hoon main tiree pyaas kya bujhaa.oongee Is ishtiyaaq se tishna zabaan qareeb na laa Saraab hoon ki badan kee yahee shahaadat hai Har ek uzv men bahtaa hai ret kaa Dariya Jo mere lab pe hai shaayad vahee sadaaqat hai Jo mere dil men hai us harf-e-raa.egaan pe na jaa Jise main tod chukee hoon wo raushnee kaa tilism Shuaa-e-noor-e-azal ke sivaa kuch aur na tha Ye pairahan jo meri ruh ka utar na saka To naKH-ba-naKH kahin paiwast resha-e-dil tha Mujhe maal-e-safar ka malal kyun-kar ho Ki jab safar hi mera faslon ka dhoka tha Main jab firaq ki raaton mein us ke sath rahi Wo phir visal ke lamhon mein kyun akela tha Wo waste ki tera darmiyan bhi kyun aae KHuda ke sath mera jism kyun na ho tanha Sarab hun main teri pyas kya bujhaungi Is ishtiyaq se tishna zaban qarib na la Sarab hun ki badan ki yahi shahadat hai Har ek uzw mein bahta hai ret ka dariya Jo mere lab pe hai shayad wahi sadaqat hai Jo mere dil mein hai us harf-e-raegan pe na ja Jise main tod chuki hun wo raushni ka tilism Shua-e-nur-e-azal ke siwa kuch aur na tha