aae Kuch abr Kuch sharaab aae

Aa.e Kuch abr Kuch sharaab aa.e Is ke ba.ad aa.e jo azaab aa.e Baam-e-meenaa se maahtaab utre Dast-e-saaqee men aaftaab aa.e Har rag-e-khoon men phir charaaghaan ho Saamne phir wo be-naqaab aa.e Umr ke har varaq pe dil kee nazar Teree mehr-o-wafa ke baab aa.e Kar raha thaa gham-e-jahaan kaa hisaab Aaj tum yaad be-hisaab aa.e Na ga.ee tere gham kee sardaaree Dil men yuun roz inqalaab aa.e Jal uThe bazm-e-ghair ke dar-o-baam Jab bhee ham khaanumaan-kharaab aa.e Is tarah apnee khaamushee goonjee Goyaa har samt se javaab aa.e 'faiz' thee raah sar-ba-sar manzil Ham jahaan pahunche kaamyaab aa.e