aaj ik harf ko phir dhuundtaa phirtaa hai khayaal aaj ik harf ko phir dhuundtaa phirtaa hai khayaal

Aaj ik harf ko phir DhoonDtaa phirtaa hai khayaal Madh bharaa harf koi zahr bharaa harf koi Dil-nasheen harf koi qahr bharaa harf koi Harf-e-ulfat koi dildaar-e-nazar ho jaise Jis se miltee hai nazar bosa-e-lab kee soorat Itnaa raushan ki sar-e-mauja-e-zar ho jaise Sohbat-e-yaar men aaghaaz-e-tarab kee soorat Harf-e-nafrat koi shamsheer-e-ghazab ho jaise Taa-abad shahr-e-sitam jis se tabah ho jaa.en Itnaa taareek ki shamshaan kee shab ho jaise Lab pe laa.oon to mire honT siyah ho jaa.en Aaj har sur se har ik raag kaa naataa TuuTaa DhoonDtee phirtee hai mutrib ko phir us kee awaaz Joshish-e-dard se majnoon ke garebaan kee tarah Chaak-dar-chaak huaa aaj har ik parda-e-saaz Aaj har mauj-e-havaa se hai savaalee khilqat Laa koi naghma koi saut tiree umr daraaz Nauha-e-gham hee sahee shor-e-shahaadat hee sahee Soor-e-mahshar hee sahee baang-e-qayaamat hee sahee Aaj ek harf ko phir DhunDta phirta hai KHayal Madh bhara harf koi zahr bhara harf koi Dil-nashin harf koi qahr bhara harf koi Harf-e-ulfat koi dildar-e-nazar ho jaise Jis se milti hai nazar bosa-e-lab ki surat Itna raushan ki sar-e-mauja-e-zar ho jaise Sohbat-e-yar mein aaghaz-e-tarab ki surat Harf-e-nafrat koi shamshir-e-ghazab ho jaise Ta-abad shahr-e-sitam jis se tabah ho jaen Itna tarik ki shamshan ki shab ho jaise Lab pe laun to mere honT siyah ho jaen Aaj har sur se har ek rag ka nata TuTa DhunDti phirti hai mutrib ko phir us ki aawaz Joshish-e-dard se majnun ke gareban ki tarah Chaak-dar-chaak hua aaj har ek parda-e-saz Aaj har mauj-e-hawa se hai sawali KHilqat La koi naghma koi saut teri umr daraaz Nauha-e-gham hi sahi shor-e-shahadat hi sahi Sur-e-mahshar hi sahi bang-e-qayamat hi sahi