aakhirii khat wo waqt mirii jaan bahut duur nahin hai

Wo waqt miree jaan bahut duur nahin hai Jab dard se ruk jaa.engee sab ziist kee raahen Aur had se guzar jaa.egaa andoh-e-nihaanee Thak jaa.engee tarsee huee naakaam nigaahen Chhin jaa.enge mujh se mire aansoo miree aahen Chhin jaa.egee mujh se miree be-kaar javaanee Shaayad miree ulfat ko bahut yaad karogee Apne dil-e-maa'soom ko naashaad karogee Aaogee miree gor pe tum ashk bahaane Nau-khez bahaaron ke haseen phuul chaDhaane Shaayad miree turbat ko bhee Thukraa ke chalogee Shaayad miree be-sood vafaaon pe hansogee Is vaz'-e-karam kaa bhee tumhen paas na hogaa Lekin dil-e-naakaam ko ehsaas na hogaa Al-qissa ma.aal-e-gham-e-ulfat pe hanso tum Yaa ashk bahaatee raho fariyaad karo tum Maazee pe nadaamat ho tumhen yaa ki masarrat Khaamosh paDaa so.egaa vaamaanda-e-ulfat Wo waqt meri jaan bahut dur nahin hai Jab dard se ruk jaengi sab zist ki rahen Aur had se guzar jaega andoh-e-nihani Thak jaengi tarsi hui nakaam nigahen Chhin jaenge mujh se mere aansu meri aahen Chhin jaegi mujh se meri be-kar jawani Shayad meri ulfat ko bahut yaad karogi Apne dil-e-ma'sum ko nashad karogi Aaogi meri gor pe tum ashk bahane Nau-KHez bahaaron ke hasin phul chaDhane Shayad meri turbat ko bhi Thukra ke chalogi Shayad meri be-sud wafaon pe hansogi Is waz'-e-karam ka bhi tumhein pas na hoga Lekin dil-e-nakaam ko ehsas na hoga Al-qissa maal-e-gham-e-ulfat pe hanso tum Ya ashk bahati raho fariyaad karo tum Mazi pe nadamat ho tumhein ya ki masarrat KHamosh paDa soega wamanda-e-ulfat