ab jo koi puuchhe bhi to us se kya sharh e haalaat karen
— Faiz Ahmad Faiz
Ab jo koee poochhe bhee to us se kya sharh-e-haalaat karen
Dil Thahre to dard sunaa.en dard thame to baat karen
Shaam huee phir josh-e-qadah ne bazm-e-hareefaan raushan kee
Ghar ko aag lagaa.en ham bhee raushan apnee raat karen
Qatl-e-dil-o-jaan apne sar hai apna lahoo apnee gardan pe
Mohr-ba-lab baiThe hain kis kaa shikva kis ke saath karen
Hijr men shab bhar dard-o-talab ke chaand sitaare saath rahe
Sub.h kee veeraanee men yaaro kaise basar auqaat karen