baat bas se nikal chalii hai
— Faiz Ahmad Faiz
Baat bas se nikal chalee hai
Dil kee haalat sambhal chalee hai
Ab junoon had se baDh chalaa hai
Ab tabee.at bahal chalee hai
Ashk khoonaab ho chale hain
Gham kee rangat badal chalee hai
Yaa yoonhee bujh rahi hain sham.en
Yaa shab-e-hijr Tal chalee hai
Laakh paighaam ho ga.e hain
Jab sabaa ek pal chalee hai
Jaao ab so raho sitaaro
Dard kee raat Dhal chalee hai