bahaar aaii bahaar aaii to jaise yak baar

Bahaar aa.ee to jaise yak-baar LauT aa.e hain phir adam se Vo khvaab saare shabaab saare Jo tere honTon pe mar-miTe the Jo miT ke har baar phir jiye the Nikhar ga.e hain gulaab saare Jo teree yaadon se mushkboo hain Jo tere ushshaaq kaa lahoo hain Ubal paDe hain azaab saare Malaal-e-ahvaal-e-dostaan bhee Khumaar-e-aaghosh-e-mah-vashaan bhee Ghubaar-e-khaatir ke baab saare Tire hamaare Savaal saare javaab saare Bahaar aa.ee to khul ga.e hain Na.e sire se hisaab saare Bahaar aai to jaise yak-bar LauT aae hain phir adam se Wo KHwab sare shabab sare Jo tere honTon pe mar-miTe the Jo miT ke har bar phir jiye the Nikhar gae hain gulab sare Jo teri yaadon se mushkbu hain Jo tere ushshaq ka lahu hain Ubal paDe hain azab sare Malal-e-ahwal-e-dostan bhi KHumar-e-aghosh-e-mah-washan bhi Ghubar-e-KHatir ke bab sare Tere hamare Sawal sare jawab sare Bahaar aai to khul gae hain Nae sire se hisab sare