chand roz aur mirii jaan chand roz aur mirii jaan faqat chand hi roz

Chand roz aur miree jaan faqat chand hee roz Zulm kee Chaaon men dam lene pe majboor hain ham Aur kuch der sitam sah len taDap len ro len Apne ajdaad kee meeraas hai maazoor hain ham Jism par qaid hai jazbaat pe zanjeeren hain Fikr mahboos hai guftaar pe taazeeren hain Apnee himmat hai ki ham phir bhee jiye jaate hain Zindagee kya kisee muflis kee qabaa hai jis men Har ghaDee dard ke paivand lage jaate hain Lekin ab zulm kee mee.aad ke din thoDe hain Ik zaraa sabr ki fariyaad ke din thoDe hain Arsa-e-dahr kee jhulsee huee veeraanee men Ham ko rahnaa hai pe yoonhee to nahin rahnaa hai Ajnabee haathon kaa be-naam giraan-baar sitam Aaj sahnaa hai hamesha to nahin sahnaa hai Ye tire husn se lipTee huee aalaam kee gard Apnee do roza javaanee kee shikaston kaa shumaar Chaandnee raaton kaa bekaar dahaktaa huaa dard Dil kee be-sood taDap jism kee maayoos pukaar Chand roz aur miree jaan faqat chand hee roz Chand roz aur meri jaan faqat chand hi roz Zulm ki chhanw mein dam lene pe majbur hain hum Aur kuch der sitam sah len taDap len ro len Apne ajdad ki miras hai mazur hain hum Jism par qaid hai jazbaat pe zanjiren hain Fikr mahbus hai guftar pe taziren hain Apni himmat hai ki hum phir bhi jiye jate hain Zindagi kya kisi muflis ki qaba hai jis mein Har ghaDi dard ke paiwand lage jate hain Lekin ab zulm ki miad ke din thoDe hain Ek zara sabr ki fariyaad ke din thoDe hain Arsa-e-dahr ki jhulsi hui virani mein Hum ko rahna hai pe yunhi to nahin rahna hai Ajnabi hathon ka be-nam giran-bar sitam Aaj sahna hai hamesha to nahin sahna hai Ye tere husn se lipTi hui aalam ki gard Apni do roza jawani ki shikaston ka shumar Chandni raaton ka bekar dahakta hua dard Dil ki be-sud taDap jism ki mayus pukar Chand roz aur meri jaan faqat chand hi roz