dard aaegaa dabe paanv aur kuch der men jab phir mire tanhaa dil ko

Aur kuch der men jab phir mire tanhaa dil ko Fikr aa legee ki tanhaa.ee kaa kya chaara kare Dard aa.egaa dabe paanv liye surkh charaagh Vo jo ik dard dhaDaktaa hai kaheen dil se pare Shola-e-dard jo pahloo men lapak uTThegaa Dil kee deevaar pe har naqsh damak uTThegaa Halqa-e-zulf kaheen gosha-e-rukhsaar kaheen Hijr kaa dasht kaheen gulshan-e-deedaar kaheen Lutf kee baat kaheen pyaar kaa iqraar kaheen Dil se phir hogee miree baat ki ai dil ai dil Ye jo mahboob banaa hai tiree tanhaa.ee kaa Ye to mehmaan hai ghaDee-bhar kaa chalaa jaa.egaa Us se kab teree museebat kaa mudaavaa hogaa Mushta.il ho ke abhee uTThenge vahshee saa.e Ye chalaa jaa.egaa rah jaa.enge baaqee saa.e Raat-bhar jin se tiraa khoon-kharaabaa hogaa Jang Thahree hai koi khel nahin hai ai dil Dushman-e-jaan hain sabhee saare ke saare qaatil Ye kaDee raat bhee ye saa.e bhee tanhaa.ee bhee Dard aur jang men kuch mel nahin hai ai dil Laao sulgaao koi josh-e-ghazab kaa angaar Taish kee aatish-e-jarraar kahaan hai laao Vo dahaktaa huaa gulzaar kahaan hai laao Jis men garmee bhee hai harkat bhee tavaanaa.ee bhee Ho na ho apne qabeele kaa bhee koi lashkar Muntazir hogaa andhere kee faseelon ke udhar Un ko sholon ke rajaz apna pataa to denge Khair ham tak wo na pahunche bhee sadaa to denge Duur kitnee hai abhee sub.h bataa to denge Aur kuch der mein jab phir mere tanha dil ko Fikr aa legi ki tanhai ka kya chaara kare Dard aaega dabe panw liye surKH charagh Wo jo ek dard dhaDakta hai kahin dil se pare Shola-e-dard jo pahlu mein lapak uTThega Dil ki diwar pe har naqsh damak uTThega Halqa-e-zulf kahin gosha-e-ruKHsar kahin Hijr ka dasht kahin gulshan-e-didar kahin Lutf ki baat kahin pyar ka iqrar kahin Dil se phir hogi meri baat ki ai dil ai dil Ye jo mahbub bana hai teri tanhai ka Ye to mehman hai ghaDi-bhar ka chala jaega Us se kab teri musibat ka mudawa hoga Mushtail ho ke abhi uTThenge wahshi sae Ye chala jaega rah jaenge baqi sae Raat-bhar jin se tera KHun-KHaraba hoga Jang Thahri hai koi khel nahin hai ai dil Dushman-e-jaan hain sabhi sare ke sare qatil Ye kaDi raat bhi ye sae bhi tanhai bhi Dard aur jang mein kuch mel nahin hai ai dil Lao sulgao koi josh-e-ghazab ka angar Taish ki aatish-e-jarrar kahan hai lao Wo dahakta hua gulzar kahan hai lao Jis mein garmi bhi hai harkat bhi tawanai bhi Ho na ho apne qabile ka bhi koi lashkar Muntazir hoga andhere ki fasilon ke udhar Un ko sholon ke rajaz apna pata to denge KHair hum tak wo na pahunche bhi sada to denge Dur kitni hai abhi subh bata to denge