do ishq 1

(1) Taaza hain abhee yaad men ai saaqee-e-gulfaam Vo aks-e-rukh-e-yaar se lahke hue ayyaam Vo phuul see khultee huee deedaar kee saa.at Vo dil saa dhaDaktaa huaa ummeed kaa hangaam Ummeed ki lau jaagaa gham-e-dil kaa naseeba Lo shauq kee tarsee huee shab ho ga.ee aakhir Lo Doob ga.e dard ke be-khvaab sitaare Ab chamkegaa be-sabr nigaahon kaa muqaddar Is baam se niklegaa tire husn kaa khursheed Is kunj se phooTegee kiran rang-e-hinaa kee Is dar se bahegaa tiree raftaar kaa seemaab Us raah pe phailegee shafaq teree qabaa kee Phir dekhe hain wo hijr ke tapte hue din bhee Jab fikr-e-dil-o-jaan men fughaan bhuul ga.ee hai Har shab wo siyah bojh ki dil baith gaya hai Har sub.h kee lau tiir see siine men lagee hai Tanhaa.ee men kya kya na tujhe yaad kiyaa hai Kyaa kya na dil-e-zaar ne DhoonDee hain panaahen Aankhon se lagaayaa hai kabhi dast-e-sabaa ko Daalee hain kabhi gardan-e-mahtaab men baahen (2) Chaahaa hai isee rang men lailaa-e-vatan ko TaDpaa hai isee taur se dil us kee lagan men DhoonDee hai yoonhee shauq ne aasaa.ish-e-manzil Rukhsaar ke kham men kabhi kaakul kee shikan men Us jaan-e-jahaan ko bhee yoonhee qalb-o-nazar ne Hans hans ke sadaa dee kabhi ro ro ke pukaaraa Puure kiye sab harf-e-tamannaa ke taqaaze Har dard ko ujyaalaa har ik gham ko sanvaaraa Vaapas nahin pheraa koi farmaan junoon kaa Tanhaa nahin lauTee kabhi awaaz jaras kee Khairiyyat-e-jaan raahat-e-tan sehhat-e-daamaan Sab bhuul ga.iin maslihaten ahl-e-havas kee Is raah men jo sab pe guzartee hai wo guzree Tanhaa pas-e-zindaan kabhi rusvaa sar-e-baazaar Garje hain bahut shaikh sar-e-gosha-e-mimbar KaDke hain bahut ahl-e-hakam bar-sar-e-darbaar ChhoDaa nahin ghairon ne koi naavak-e-dushnaam ChhooTee nahin apnon se koi tarz-e-malaamat Is ishq na us ishq pe naadim hai magar dil Har daagh hai is dil men ba-juz-daagh-e-nadaamat (1) Taza hain abhi yaad mein ai saqi-e-gulfam Wo aks-e-ruKH-e-yar se lahke hue ayyam Wo phul si khulti hui didar ki saat Wo dil sa dhaDakta hua ummid ka hangam Ummid ki lau jaga gham-e-dil ka nasiba Lo shauq ki tarsi hui shab ho gai aaKHir Lo Dub gae dard ke be-KHwab sitare Ab chamkega be-sabr nigahon ka muqaddar Is baam se niklega tere husn ka KHurshid Is kunj se phuTegi kiran rang-e-hina ki Is dar se bahega teri raftar ka simab Us rah pe phailegi shafaq teri qaba ki Phir dekhe hain wo hijr ke tapte hue din bhi Jab fikr-e-dil-o-jaan mein fughan bhul gai hai Har shab wo siyah bojh ki dil baith gaya hai Har subh ki lau tir si sine mein lagi hai Tanhai mein kya kya na tujhe yaad kiya hai Kya kya na dil-e-zar ne DhunDi hain panahen Aankhon se lagaya hai kabhi dast-e-saba ko Dali hain kabhi gardan-e-mahtab mein bahen (2) Chaha hai isi rang mein laila-e-watan ko TaDpa hai isi taur se dil us ki lagan mein DhunDi hai yunhi shauq ne aasaish-e-manzil RuKHsar ke KHam mein kabhi kakul ki shikan mein Us jaan-e-jahan ko bhi yunhi qalb-o-nazar ne Hans hans ke sada di kabhi ro ro ke pukara Pure kiye sab harf-e-tamanna ke taqaze Har dard ko ujyala har ek gham ko sanwara Wapas nahin phera koi farman junun ka Tanha nahin lauTi kabhi aawaz jaras ki KHairiyyat-e-jaan rahat-e-tan sehhat-e-daman Sab bhul gain maslihaten ahl-e-hawas ki Is rah mein jo sab pe guzarti hai wo guzri Tanha pas-e-zindan kabhi ruswa sar-e-bazar Garje hain bahut shaiKH sar-e-gosha-e-mimbar KaDke hain bahut ahl-e-hakam bar-sar-e-darbar ChhoDa nahin ghairon ne koi nawak-e-dushnam ChhuTi nahin apnon se koi tarz-e-malamat Is ishq na us ishq pe nadim hai magar dil Har dagh hai is dil mein ba-juz-dagh-e-nadamat