ek rah guzar par

Wo jis kee diid men laakhon masarraten pinhaan Vo husn jis kee tamannaa men jannaten pinhaan Hazaar fitne tah-e-paa-e-naaz khaak-nasheen Har ik nigaah khumaar-e-shabaab se rangeen Shabaab jis se takhayyul pe bijliyaan barsen Vaqaar jis kee rafaaqat ko shokhiyaan tarsen Adaa-e-laghzish-e-paa par qayaamaten qurbaan Bayaaz-rukh pe sahar kee sabaahaten qurbaan Siyaah zulfon men vaarafta nik.haton kaa hujoom Taveel raaton kee khvaabeeda raahaton kaa hujoom Vo aankh jis ke banaav pa khaaliq itraa.e Zabaan-e-sher ko taareef karte sharm aa.e Vo honT faiz se jin ke bahaar laala-farosh Bahisht o kausar o tasneem o salsabeel ba-dosh Gudaaz jism qabaa jis pe saj ke naaz kare Daraaz qad jise sarv-e-sahee namaaz kare Gharaz wo husn jo mohtaaj-e-vasf-o-naam nahin Vo hasan jis kaa tasavvur bashar kaa kaam nahin Kisee zamaane men is rah-guzar se guzraa tha Ba-sad ghuroor o tajammul idhar se guzraa tha Aur ab ye raah-guzar bhee hai dil-fareb o haseen Hai is kee khaak men kaif-e-sharaab-o-sher makeen Havaa men shokhee-e-raftaar kee adaa.en hain Fazaa men narmee-e-guftaar kee sadaa.en hain Gharaz wo husn ab is rah kaa juzv-e-manzar hai Niyaaz-e-ishq ko ik sajda-gah mayassar hai Wo jis ki did mein lakhon masarraten pinhan Wo husn jis ki tamanna mein jannaten pinhan Hazar fitne tah-e-pa-e-naz KHak-nashin Har ek nigah KHumar-e-shabab se rangin Shabab jis se taKHayyul pe bijliyan barsen Waqar jis ki rafaqat ko shoKHiyan tarsen Ada-e-laghzish-e-pa par qayamaten qurban Bayaz-ruKH pe sahar ki sabahaten qurban Siyah zulfon mein warafta nikhaton ka hujum Tawil raaton ki KHwabida rahaton ka hujum Wo aankh jis ke banaw pa KHaliq itrae Zaban-e-sher ko tarif karte sharm aae Wo honT faiz se jin ke bahaar lala-farosh Bahisht o kausar o tasnim o salsabil ba-dosh Gudaz jism qaba jis pe saj ke naz kare Daraaz qad jise sarw-e-sahi namaz kare Gharaz wo husn jo mohtaj-e-wasf-o-nam nahin Wo hasan jis ka tasawwur bashar ka kaam nahin Kisi zamane mein is rah-guzar se guzra tha Ba-sad ghurur o tajammul idhar se guzra tha Aur ab ye rah-guzar bhi hai dil-fareb o hasin Hai is ki KHak mein kaif-e-sharab-o-sher makin Hawa mein shoKHi-e-raftar ki adaen hain Faza mein narmi-e-guftar ki sadaen hain Gharaz wo husn ab is rah ka juzw-e-manzar hai Niyaz-e-ishq ko ek sajda-gah mayassar hai