garmi e shauq e nazaaraa kaa asar to dekho
— Faiz Ahmad Faiz
Garmee-e-shauq-e-nazaaraa kaa asar to dekho
Gul khile jaate hain wo saaya-e-tar to dekho
Aise naadaan bhee na the jaan se guzarne vaale
Naaseho pand-garo raahguzar to dekho
Wo to wo hai tumhen ho jaa.egee ulfat mujh se
Ik nazar tum miraa mahboob-e-nazar to dekho
Wo jo ab chaak garebaan bhee naheen karte hain
Dekhne vaalo kabhee un kaa jigar to dekho
Daaman-e-dard ko gulzaar banaa rakkhaa hai
Aao ik din dil-e-pur-khoon kaa hunar to dekho
Sub.h kee tarah jhamaktaa hai shab-e-gham kaa ufuq
'faiz' taabindagee-e-deeda-e-tar to dekho