ham jo taariik raahon men maare gae tere honton ke phuulon ki chaahat men ham

Tere honTon ke phoolon kee chaahat men ham Daar kee khushk Tahnee pe vaare ga.e Tere haaton kee sham.on kee hasrat men ham Neem-taareek raahon men maare ga.e Sooliyon par hamaare labon se pare Tere honTon kee laalee lapaktee rahi Teree zulfon kee mastee barastee rahi Tere haathon kee chaandee damaktee rahi Jab ghulee teree raahon men shaam-e-sitam Ham chale aa.e laa.e jahaan tak qadam Lab pe harf-e-ghazal dil men qindeel-e-gham Apnaa gham tha gavaahee tire husn kee Dekh qaa.em rahe is gavaahee pe ham Ham jo taareek raahon pe maare ga.e Naa-rasaa.ee agar apnee taqdeer thee Teree ulfat to apnee hee tadbeer thee Kis ko shikva hai gar shauq ke silsile Hijr kee qatl-gaahon se sab jaa mile Qatl-gaahon se chun kar hamaare alam Aur niklenge ushshaaq ke qaafile Jin kee raah-e-talab se hamaare qadam Mukhtasar kar chale dard ke faasle Kar chale jin kee khaatir jahaangeer ham Jaan ganvaa kar tiree dilbaree kaa bharam Ham jo taareek raahon men maare ga.e Tere honTon ke phulon ki chahat mein hum Dar ki KHushk Tahni pe ware gae Tere haton ki shamon ki hasrat mein hum Nim-tarik rahon mein mare gae Suliyon par hamare labon se pare Tere honTon ki lali lapakti rahi Teri zulfon ki masti barasti rahi Tere hathon ki chandi damakti rahi Jab ghuli teri rahon mein sham-e-sitam Hum chale aae lae jahan tak qadam Lab pe harf-e-ghazal dil mein qindil-e-gham Apna gham tha gawahi tere husn ki Dekh qaem rahe is gawahi pe hum Hum jo tarik rahon pe mare gae Na-rasai agar apni taqdir thi Teri ulfat to apni hi tadbir thi Kis ko shikwa hai gar shauq ke silsile Hijr ki qatl-gahon se sab ja mile Qatl-gahon se chun kar hamare alam Aur niklenge ushshaq ke qafile Jin ki rah-e-talab se hamare qadam MuKHtasar kar chale dard ke fasle Kar chale jin ki KHatir jahangir hum Jaan ganwa kar teri dilbari ka bharam Hum jo tarik rahon mein mare gae