ham musaafir yuunhii masruuf e safar jaaenge
— Faiz Ahmad Faiz
Ham musaafir yoonhee masroof-e-safar jaa.enge
Be-nishaan ho ga.e jab shahr to ghar jaa.enge
Kis qadar hogaa yahaan mehr-o-wafa kaa maatam
Ham tiree yaad se jis roz utar jaa.enge
Jauharee band kiye jaate hain baazaar-e-sukhan
Ham kise bechne almaas-o-guhar jaa.enge
Nemat-e-zeest kaa ye qarz chukegaa kaise
Laakh ghabraa ke ye kahte rahen mar jaa.enge
Shaayad apna bhee koi bait hudee-khvaan ban kar
Saath jaa.egaa mire yaar jidhar jaa.enge
'faiz' aate hain rah-e-ishq men jo sakht maqaam
Aane vaalon se kaho ham to guzar jaa.enge