ham ne sab sher men sanvaare the
— Faiz Ahmad Faiz
Ham ne sab sher men sanvaare the
Ham se jitne sukhan tumhaare the
Rang-o-khushboo ke husn-o-khoobee ke
Tum se the jitne isti.aare the
Tere qaul-o-qaraar se pahle
Apne Kuch aur bhee sahaare the
Jab wo la.al-o-gohar hisaab kiye
Jo tire gham ne dil pe vaare the
Mere daaman men aa gire saare
Jitne tasht-e-falak men taare the
Umr-e-jaaved kee duaa karte
'faiz' itne wo kab hamaare the