ham par tumhaarii chaah kaa ilzaam hi to hai

Ham par tumhaaree chaah kaa ilzaam hee to hai Dushnaam to naheen hai ye ikraam hee to hai Dil naa-umeed to naheen naakaam hee to hai Lambee hai gham kee shaam magar shaam hee to hai Karte hain jis pe ta.an koee jurm to naheen Shauq-e-fuzool o ulfat-e-naakaam hee to hai Dil mudda'ee ke harf-e-malaamat se shaad hai Ai jaan-e-jaan ye harf tiraa naam hee to hai Dast-e-falak men gardish-e-taqdeer to naheen Dast-e-falak men gardish-e-ayyaam hee to hai Aakhir to ek roz karegee nazar wafa Wo yaar-e-khush-khisaal sar-e-baam hee to hai Bheegee hai raat 'faiz' ghazal ibtidaa karo Vaqt-e-sarod dard kaa hangaam hee to hai