ham to majboor e wafa hain

Tujh ko kitnon kaa lahoo chaahiye ai arz-e-vatan Jo tire aariz-e-be-rang ko gulnaar karen Kitnee aahon se kaleja tiraa ThanDaa hogaa Kitne aansoo tire sahraaon ko gulzaar karen Tere aivaanon men purze hue paimaan kitne Kitne va.ade jo na aasooda-e-iqraar hue Kitnee aankhon ko nazar khaa ga.ee bad-khvaahon kee Khvaab kitne tiree shah-raahon men sangsaar hue ''balaa-kashaan-e-mohabbat pe jo huaa so huaa Jo mujh pe guzree mat us se kaho, huaa so huaa Mabaadaa ho koi zaalim tiraa garebaan-geer Lahoo ke daagh too daaman se dho, huaa so huaa'' Ham to majboor-e-wafa hain magar ai jaan-e-jahaan Apne ushshaaq se aise bhee koi kartaa hai Teree mahfil ko khuda rakkhe abad tak qaa.em Ham to mehmaan hain ghaDee bhar ke hamaaraa kya hai Tujh ko kitnon ka lahu chahiye ai arz-e-watan Jo tere aariz-e-be-rang ko gulnar karen Kitni aahon se kaleja tera ThanDa hoga Kitne aansu tere sahraon ko gulzar karen Tere aiwanon mein purze hue paiman kitne Kitne wade jo na aasuda-e-iqrar hue Kitni aankhon ko nazar kha gai bad-KHwahon ki KHwab kitne teri shah-rahon mein sangsar hue Bala-kashan-e-mohabbat pe jo hua so hua Jo mujh pe guzri mat us se kaho, hua so hua Mabaada ho koi zalim tera gareban-gir Lahu ke dagh tu daman se dho, hua so hua Hum to majbur-e-wafa hain magar ai jaan-e-jahan Apne ushshaq se aise bhi koi karta hai Teri mahfil ko KHuda rakkhe abad tak qaem Hum to mehman hain ghaDi bhar ke hamara kya hai