heart attack dard itnaa tha ki us raat dil e vahshii ne

Dard itnaa tha ki us raat dil-e-vahshee ne Har rag-e-jaan se ulajhnaa chaahaa Har bun-e-moo se Tapaknaa chaahaa Aur kaheen duur tire sahn men goyaa Pattaa pattaa mire afsurda lahoo men dhul kar Husn-e-mahtaab se aazurda nazar aane lagaa Mere veeraana-e-tan men goyaa Saare dukhte hue reshon kee tanaaben khul kar Silsila-vaar pataa dene lageen Rukhsat-e-qaafila-e-shauq kee tayyaaree kaa Aur jab yaad kee bujhtee huee sham.on men nazar aayaa kaheen Ek pal aakhiree lamha tiree dildaaree kaa Dard itnaa tha ki us se bhee guzarnaa chaahaa Ham ne chaahaa bhee magar dil na Thaharnaa chaahaa Dard itna tha ki us raat dil-e-wahshi ne Har rag-e-jaan se ulajhna chaha Har bun-e-mu se Tapakna chaha Aur kahin dur tere sahn mein goya Patta patta mere afsurda lahu mein dhul kar Husn-e-mahtab se aazurda nazar aane laga Mere virana-e-tan mein goya Sare dukhte hue reshon ki tanaben khul kar Silsila-war pata dene lagin RuKHsat-e-qafila-e-shauq ki tayyari ka Aur jab yaad ki bujhti hui shamon mein nazar aaya kahin Ek pal aaKHiri lamha teri dildari ka Dard itna tha ki us se bhi guzarna chaha Hum ne chaha bhi magar dil na Thaharna chaha