himmat e iltijaa nahin baaqii
— Faiz Ahmad Faiz
Himmat-e-iltijaa nahin baaqee
Zabt kaa hausla nahin baaqee
Ik tiree diid chhin ga.ee mujh se
Varna Dunya men kya nahin baaqee
Apnee mashq-e-sitam se haath na kheench
Main nahin yaa wafa nahin baaqee
Teree chashm-e-alam-navaaz kee khair
Dil men koi gilaa nahin baaqee
Ho chukaa khatm ahd-e-hijr-o-visaal
Zindagee men mazaa nahin baaqee