intisaab aaj ke naam

Aaj ke naam Aur Aaj ke gham ke naam Aaj kaa gham ki hai zindagee ke bhare gulsitaan se khafaa Zard patton kaa ban Zard patton kaa ban jo miraa des hai Dard kee anjuman jo miraa des hai Clerkon kee afsurda jaanon ke naam Kirm-khurda dilon aur zabaanon ke naam Post-manon ke naam Taange vaalon kaa naam Rail-baanon ke naam Kaar-khaanon ke bhooke jiyaalon ke naam Baadshaah-e-jahaan vaalee-e-maa-sivaa, naa.eb-ul-allaah fil-arz Dahqaan ke naam Jis ke Dhoron ko zaalim hankaa le ga.e Jis kee beTee ko Daaku uThaa le ga.e Haath bhar khet se ek angusht paTvaar ne kaaT lee hai Doosree maaliye ke bahaane se sarkaar ne kaaT lee hai Jis kee pag zor vaalon ke paanv-tale Dhajjiyaan ho ga.ee hai Un dukhee maaon ke naam Raat men jin ke bachche bilakte hain aur Niind kee maar khaa.e hue baazuon men sambhalte nahin Dukh bataate nahin Minnaton zaariyon se bahalte nahin Un haseenaaon ke naam Jin kee aankhon ke gul Chilmanon aur dareechon kee belon pe be-kaar khil khil ke Murjhaa ga.e hain Un biyaahtaaon ke naam Jin ke badan Be mohabbat riyaa-kaar sejon pe saj saj ke uktaa ga.e hain Bevaaon ke naam KaTDiyon aur galiyon mohallon ke naam Jin kee naapaak khaashaak se chaand raaton Ko aa aa ke kartaa hai aksar vazoo Jin ke saayon men kartee hai aah-o-bukaa Aanchalon kee hinaa ChooDiyon kee khanak Kaakulon kee mahak Aarzoo-mand seenon kee apne paseene men julne kee boo PaDhne vaalon ke naam Vo jo as.haab-e-tabal-o-alam Ke daron par kitaab aur qalam Kaa taqaazaa liye haath phailaa.e Vo ma.asoom jo bhole-pan men Vahaan apne nanhe charaaghon men lau kee lagan Le ke pahunche jahaan BaT rahe the ghaTaa-Top be-ant raaton ke saa.e Un aseeron ke naam Jin ke seenon men fardaa ke shab-taab gauhar Jel-khaanon kee shoreeda raaton kee sarsar men Jal jal ke anjum-numaa hoga.e hain Aane vaale dinon ke safeeron ke naam Vo jo khushboo-e-gul kee tarah Apne paighaam par khud fidaa hoga.e hain Aaj ke nam Aur Aaj ke gham ke nam Aaj ka gham ki hai zindagi ke bhare gulsitan se KHafa Zard patton ka ban Zard patton ka ban jo mera des hai Dard ki anjuman jo mera des hai Clerkon ki afsurda jaanon ke nam Kirm-KHurda dilon aur zabanon ke nam Post-manon ke nam Tange walon ka nam Rail-banon ke nam Kar-KHanon ke bhuke jiyalon ke nam Baadshah-e-jahan wali-e-ma-siwa, naeb-ul-allah fil-arz Dahqan ke nam Jis ke Dhoron ko zalim hanka le gae Jis ki beTi ko Daku uTha le gae Hath bhar khet se ek angusht paTwar ne kaT li hai Dusri maliye ke bahane se sarkar ne kaT li hai Jis ki pag zor walon ke panw-tale Dhajjiyan ho gai hai Un dukhi maon ke nam Raat mein jin ke bachche bilakte hain aur Nind ki mar khae hue bazuon mein sambhalte nahin Dukh batate nahin Minnaton zariyon se bahalte nahin Un hasinaon ke nam Jin ki aankhon ke gul Chilmanon aur darichon ki belon pe be-kar khil khil ke Murjha gae hain Un biyahtaon ke nam Jin ke badan Be mohabbat riya-kar sejon pe saj saj ke ukta gae hain Bewaon ke nam KaTDiyon aur galiyon mohallon ke nam Jin ki napak KHashak se chand raaton Ko aa aa ke karta hai aksar wazu Jin ke sayon mein karti hai aah-o-buka Aanchalon ki hina ChuDiyon ki khanak Kakulon ki mahak Aarzu-mand sinon ki apne pasine mein julne ki bu PaDhne walon ke nam Wo jo ashab-e-tabal-o-alam Ke daron par kitab aur qalam Ka taqaza liye hath phailae Wo masum jo bhole-pan mein Wahan apne nanhe charaghon mein lau ki lagan Le ke pahunche jahan BaT rahe the ghaTa-Top be-ant raaton ke sae Un asiron ke nam Jin ke sinon mein farda ke shab-tab gauhar Jel-KHanon ki shorida raaton ki sarsar mein Jal jal ke anjum-numa hogae hain Aane wale dinon ke safiron ke nam Wo jo KHushbu-e-gul ki tarah Apne paigham par KHud fida hogae hain