ishq minnat e kash e qaraar nahin
— Faiz Ahmad Faiz
Ishq minnat-e-kash-e-qaraar nahin
Husn majboor-e-intizaar nahin
Teree ranjish kee intihaa ma.aloom
Hasraton kaa miree shumaar nahin
Apnee nazren bikher de saaqee
Mai ba-andaaza-e-khumaar nahin
Zer-e-lab hai abhee tabassum-e-dost
Muntashir jalva-e-bahaar nahin
Apnee takmeel kar raha hoon main
Varna tujh se to mujh ko pyaar nahin
Chaara-e-intizaar kaun kare
Teree nafrat bhee ustuvaar nahin
'faiz' zinda rahen wo hain to sahee
Kya huaa gar wafa-shi.aar nahin