kabhi kabhi yaad men ubharte hain naqsh e maazii mite mite se
— Faiz Ahmad Faiz
Kabhee kabhee yaad men ubharte hain naqsh-e-maazee miTe miTe se
Wo aazmaa.ish dil o nazar kee wo qurbaten see wo faasle se
Kabhee kabhee aarzoo ke sahraa men aa ke rukte hain qaafile se
Wo saaree baaten lagaav kee see wo saare unvaan visaal ke se
Nigaah o dil ko qaraar kaisaa nashaat o gham men kamee kahaan kee
Wo jab mile hain to un se har baar kee hai ulfat na.e sire se
Bahut giraan hai ye aish-e-tanhaa kaheen subuk-tar kaheen gavaaraa
Wo dard-e-pinhaan ki saaree Dunya rafeeq thee jis ke vaaste se
Tumheen kaho rind o mohtasib men hai aaj shab kaun farq aisa
Ye aa ke baiThe hain mai-kade men wo uTh ke aa.e hain mai-kade se