kahaan jaaoge aur kuch der men lut jaaegaa har baam pe chaand

Aur kuch der men luT jaa.egaa har baam pe chaand Aks kho jaa.enge aa.eene taras jaa.enge Arsh ke deeda-e-namnaak se baaree-baaree Sab sitaare sar-e-khaashaak baras jaa.enge Aas ke maare thake haare shabistaanon men Apnee tanhaa.ee sameTegaa, bichhaa.egaa koi Bevafaa.ee kee ghaDee, tark-e-madaaraat kaa waqt Is ghaDee apne sivaa yaad na aa.egaa koi Tark-e-dunya kaa samaan khatm-e-mulaaqaat kaa waqt Is ghaDee ai dil-e-aavaara kahaan jaaoge Is ghaDee koi kasee kaa bhee nahin rehne do Koee is waqt mile gaa hee nahin rehne do Aur mile gaa bhee is taur ki pachhtaaoge Is ghaDee ai dil-e-aavaara kahaan jaaoge Aur kuch der Thahar jaao ki phir nashtar-e-sub.h Zakhm kee tarah har ik aankh ko bedaar kare Aur har kushta-e-vaamaandgee-e-aakhir-e-shab Bhuul kar saa.at-e-darmaandagee-e-aakhir-e-shab Jaan pahchaan mulaaqaat pe israar kare Aur kuch der mein luT jaega har baam pe chand Aks kho jaenge aaine taras jaenge Arsh ke dida-e-namnak se bari-bari Sab sitare sar-e-KHashak baras jaenge Aas ke mare thake haare shabistanon mein Apni tanhai sameTega, bichhaega koi Bewafai ki ghaDi, tark-e-madaraat ka waqt Is ghaDi apne siwa yaad na aaega koi Tark-e-duniya ka saman KHatm-e-mulaqat ka waqt Is ghaDi ai dil-e-awara kahan jaoge Is ghaDi koi kasi ka bhi nahin rehne do Koi is waqt mile ga hi nahin rehne do Aur mile ga bhi is taur ki pachhtaoge Is ghaDi ai dil-e-awara kahan jaoge Aur kuch der Thahar jao ki phir nashtar-e-subh ZaKHm ki tarah har ek aankh ko bedar kare Aur har kushta-e-wamandgi-e-aKHir-e-shab Bhul kar saat-e-darmandagi-e-aKHir-e-shab Jaan pahchan mulaqat pe israr kare