kaii baar is kaa daaman bhar diyaa husn e do aalam se

Ka.ee baar is kaa daaman bhar diyaa husn-e-do-aalam se Magar dil hai ki is kee khaana-veeraanee naheen jaatee Ka.ee baar is kee khaatir zarre zarre kaa jigar cheraa Magar ye chashm-e-hairaan jis kee hairaanee naheen jaatee Naheen jaatee mataa-e-laal-o-gauhar kee giraan-yaabee Mataa-e-ghairat-o-eemaan kee arzaanee naheen jaatee Miree chashm-e-tan-aasaan ko baseerat mil ga.ee jab se Bahut jaanee huee soorat bhee pahchaanee naheen jaatee Sar-e-khusrau se naaz-e-kaj-kulaahee chhin bhee jaataa hai Kulaah-e-khusravee se boo-e-sultaanee naheen jaatee Ba-juz deevaangee vaan aur chaara hee kaho kya hai Jahaan aql o khirad kee ek bhee maanee naheen jaatee