khuda wo waqt na laae khuda wo waqt na laae ki sogvaar ho tuu

Khuda wo waqt na laa.e ki sogvaar ho too Sakoon kee niind tujhe bhee haraam ho jaa.e Tiree masarrat-e-paiham tamaam ho jaa.e Tiree hayaat tujhe talkh jaam ho jaa.e Ghamon se aa.eena-e-dil gudaaz ho teraa Hujoom-e-yaas se betaab ho ke rah jaa.e Vufoor-e-dard se seemaab hoke rah jaa.e Tiraa shabaab faqat khvaab ho ke rah jaa.e Ghuroor-e-husn saraapaa niyaaz ho teraa Taveel raaton men too bhee qaraar ko tarse Tiree nigaah kisee gham-gusaar ko tarse Khizaan-raseeda tamannaa bahaar ko tarse Koee jabeen na tire sang-e-aastaan pe jhuke Ki jins-e-ijz-o-aqeedat se tujh ko shaad kare Fareb-e-waada-e-fardaa pe e'timaad kare Khudaa wo waqt na laa.e ki tujh ko yaad aa.e Vo dil ki tere liye be-qaraar ab bhee hai Vo aankh jis ko tiraa intizaar ab bhee hai KHuda wo waqt na lae ki sogwar ho tu Sakun ki nind tujhe bhi haram ho jae Teri masarrat-e-paiham tamam ho jae Teri hayat tujhe talKH jam ho jae Ghamon se aaina-e-dil gudaz ho tera Hujum-e-yas se betab ho ke rah jae Wufur-e-dard se simab hoke rah jae Tera shabab faqat KHwab ho ke rah jae Ghurur-e-husn sarapa niyaz ho tera Tawil raaton mein tu bhi qarar ko tarse Teri nigah kisi gham-gusar ko tarse KHizan-rasida tamanna bahaar ko tarse Koi jabin na tere sang-e-astan pe jhuke Ki jins-e-ijz-o-aqidat se tujh ko shad kare Fareb-e-wada-e-farda pe e'timad kare KHuda wo waqt na lae ki tujh ko yaad aae Wo dil ki tere liye be-qarar ab bhi hai Wo aankh jis ko tera intizar ab bhi hai