mire hamdam mire dost gar mujhe is kaa yaqiin ho mire hamdam mire dost

Gar mujhe is kaa yaqeen ho mire hamdam mire dost Gar mujhe is kaa yaqeen ho ki tire dil kee thakan Tiree aankhon kee udaasee tere siine kee jalan Meree dil-jooee mire pyaar se miT jaa.egee Gar miraa harf-e-tasallee vo davaa ho jis se Jee uThe phir tiraa ujDaa huaa be-noor dimaagh Teree peshaanee se Dhal jaa.en ye tazleel ke daagh Teree beemaar javaanee ko shifaa ho jaa.e Gar mujhe is kaa yaqeen ho mire hamdam mare dost Roz o shab shaam o sahar main tujhe bahlaataa rahoon Main tujhe giit sunaataa rahoon halke sheereen Aabshaaron ke bahaaron ke chaman-zaaron ke giit Aamad-e-sub.h ke, mahtaab ke, sayyaaron ke giit Tujh se main husn-o-mohabbat kee hikaayaat kahoon Kaise maghroor haseenaaon ke barfaab se jism Garm haathon kee haraarat men pighal jaate hain Kaise ik chehre ke Thahre hue maanoos nuqoosh Dekhte dekhte yak-lakht badal jaate hain Kis tarah aariz-e-mahboob kaa shaffaaf bilor Yak-ba-yak baada-e-ahmar se dahak jaataa hai Kaise gulcheen ke liye jhuktee hai khud shaakh-e-gulaab Kis tarah raat kaa aivaan mahak jaataa hai Yoonhee gaataa rahoon gaataa rahoon teree khaatir Giit buntaa rahoon baiThaa rahoon teree khaatir Par mire giit tire dukh kaa mudaavaa hee nahin Naghma jarraah nahin moonis-o-gham khvaar sahee Giit nashtar to nahin marham-e-aazaar sahee Tere aazaar kaa chaara nahin nashtar ke sivaa Aur ye saffaak maseehaa mire qabze men nahin Is jahaan ke kisee zee-rooh ke qabze men nahin Haan magar tere sivaa tere sivaa tere sivaa Gar mujhe is ka yaqin ho mere hamdam mere dost Gar mujhe is ka yaqin ho ki tere dil ki thakan Teri aankhon ki udasi tere sine ki jalan Meri dil-jui mere pyar se miT jaegi Gar mera harf-e-tasalli wo dawa ho jis se Ji uThe phir tera ujDa hua be-nur dimagh Teri peshani se Dhal jaen ye tazlil ke dagh Teri bimar jawani ko shifa ho jae Gar mujhe is ka yaqin ho mere hamdam mare dost Roz o shab sham o sahar main tujhe bahlata rahun Main tujhe git sunata rahun halke shirin Aabshaaron ke bahaaron ke chaman-zaron ke git Aamad-e-subh ke, mahtab ke, sayyaron ke git Tujh se main husn-o-mohabbat ki hikayat kahun Kaise maghrur hasinaon ke barfab se jism Garm hathon ki hararat mein pighal jate hain Kaise ek chehre ke Thahre hue manus nuqush Dekhte dekhte yak-laKHt badal jate hain Kis tarah aariz-e-mahbub ka shaffaf bilor Yak-ba-yak baada-e-ahmar se dahak jata hai Kaise gulchin ke liye jhukti hai KHud shaKH-e-gulab Kis tarah raat ka aiwan mahak jata hai Yunhi gata rahun gata rahun teri KHatir Git bunta rahun baiTha rahun teri KHatir Par mere git tere dukh ka mudawa hi nahin Naghma jarrah nahin munis-o-gham KHwar sahi Git nashtar to nahin marham-e-azar sahi Tere aazar ka chaara nahin nashtar ke siwa Aur ye saffak masiha mere qabze mein nahin Is jahan ke kisi zi-ruh ke qabze mein nahin Han magar tere siwa tere siwa tere siwa