mujh se pahlii sii mohabbat mirii mahbuub na maang mujh se pahlii sii mohabbat mirii mahbuub na maang

Mujh se pahlee see mohabbat miree mahboob na maang Main ne samjhaa tha ki too hai to darakhshaan hai hayaat Teraa gham hai to gham-e-dahr kaa jhagDaa kya hai Teree soorat se hai aalam men bahaaron ko sabaat Teree aankhon ke sivaa dunya men rakkhaa kya hai Too jo mil jaa.e to taqdeer nigoon ho jaa.e Yuun na tha main ne faqat chaahaa tha yuun ho jaa.e Aur bhee dukh hain zamaane men mohabbat ke sivaa Raahaten aur bhee hain vasl kee raahat ke sivaa An-ginat sadiyon ke taareek baheemaana tilism Resham o atlas o kamkhaab men bunvaa.e hue Jaa-ba-jaa bikte hue koocha-o-baazaar men jism Khaak men luThDe hue Khoon men nahlaa.e hue Jism nikle hue amraaz ke tannooron se Piip bahtee huee galte hue naasooron se LauT jaatee hai udhar ko bhee nazar kya kiije Ab bhee dilkash hai tiraa husn magar kya kiije Aur bhee dukh hain zamaane men mohabbat ke sivaa Raahaten aur bhee hain vasl kee raahat ke sivaa Mujh se pahlee see mohabbat miree mahboob na maang Mujh se pahli si mohabbat meri mahbub na mang Main ne samjha tha ki tu hai to daraKHshan hai hayat Tera gham hai to gham-e-dahr ka jhagDa kya hai Teri surat se hai aalam mein bahaaron ko sabaat Teri aankhon ke siwa duniya mein rakkha kya hai Tu jo mil jae to taqdir nigun ho jae Yun na tha main ne faqat chaha tha yun ho jae Aur bhi dukh hain zamane mein mohabbat ke siwa Rahaten aur bhi hain wasl ki rahat ke siwa An-ginat sadiyon ke tarik bahimana tilism Resham o atlas o kamKHab mein bunwae hue Ja-ba-ja bikte hue kucha-o-bazar mein jism KHak mein luThDe hue KHun mein nahlae hue Jism nikle hue amraaz ke tannuron se Pip bahti hui galte hue nasuron se LauT jati hai udhar ko bhi nazar kya kije Ab bhi dilkash hai tera husn magar kya kije Aur bhi dukh hain zamane mein mohabbat ke siwa Rahaten aur bhi hain wasl ki rahat ke siwa Mujh se pahli si mohabbat meri mahbub na mang