mulaaqaat ye raat us dard kaa shajar hai

Ye raat us dard kaa shajar hai Jo mujh se tujh se azeem-tar hai Azeem-tar hai ki is kee shaakhon Men laakh mish.al-ba-kaf sitaaron Ke kaarvaan ghar ke kho ga.e hain Hazaar mahtaab is ke saa.e Men apna sab nuur ro ga.e hain Ye raat us dard kaa shajar hai Jo mujh se tujh se azeem-tar hai Magar isee raat ke shajar se Ye chand lamhon ke zard patte Gire hain aur tere gesuon men Ulajh ke gulnaar ho ga.e hain Isee kee shabnam se khaamushee ke Ye chand qatre tiree jabeen par Baras ke hiire piro ga.e hain 2 Bahut siyah hai ye raat lekin Isee siyaahi men roonumaa hai Vo nahr-e-khoon jo miree sadaa hai Isee ke saa.e men nuur gar hai Vo mauj-e-zar jo tiree nazar hai Vo gham jo is waqt teree baanhon Ke gulsitaan men sulag raha hai Vo gham jo is raat kaa samar hai Kuchh aur tap jaa.e apnee aahon Kee aanch men to yahee sharar hai Har ik siyah shaakh kee kamaan se Jigar men TuuTe hain tiir jitne Jigar se noche hain aur har ik Kaa ham ne tesha banaa liyaa hai 3 Alam-naseebon jigar-figaaron Kee sub.h aflaak par nahin hai Jahaan pe ham tum khaDe hain donon Sahar kaa raushan ufuq yaheen hai Yaheen pe gham ke sharaar khil kar Shafaq kaa gulzaar ban ga.e hain Yaheen pe qaatil dukhon ke teshe Qataar andar qataar kirnon Ke aatisheen haar ban ga.e hain Ye gham jo is raat ne diyaa hai Ye gham sahar kaa yaqeen banaa hai Yaqeen jo gham se kareem-tar hai Sahar jo shab se azeem-tar hai Ye raat us dard ka shajar hai Jo mujh se tujh se azim-tar hai Azim-tar hai ki is ki shaKHon Mein lakh mishal-ba-kaf sitaron Ke karwan ghar ke kho gae hain Hazar mahtab is ke sae Mein apna sab nur ro gae hain Ye raat us dard ka shajar hai Jo mujh se tujh se azim-tar hai Magar isi raat ke shajar se Ye chand lamhon ke zard patte Gire hain aur tere gesuon mein Ulajh ke gulnar ho gae hain Isi ki shabnam se KHamushi ke Ye chand qatre teri jabin par Baras ke hire piro gae hain 2 Bahut siyah hai ye raat lekin Isi siyahi mein runuma hai Wo nahr-e-KHun jo meri sada hai Isi ke sae mein nur gar hai Wo mauj-e-zar jo teri nazar hai Wo gham jo is waqt teri banhon Ke gulsitan mein sulag raha hai Wo gham jo is raat ka samar hai Kuchh aur tap jae apni aahon Ki aanch mein to yahi sharar hai Har ek siyah shaKH ki kaman se Jigar mein TuTe hain tir jitne Jigar se noche hain aur har ek Ka hum ne tesha bana liya hai 3 Alam-nasibon jigar-figaron Ki subh aflak par nahin hai Jahan pe hum tum khaDe hain donon Sahar ka raushan ufuq yahin hai Yahin pe gham ke sharar khil kar Shafaq ka gulzar ban gae hain Yahin pe qatil dukhon ke teshe Qatar andar qatar kirnon Ke aatishin haar ban gae hain Ye gham jo is raat ne diya hai Ye gham sahar ka yaqin bana hai Yaqin jo gham se karim-tar hai Sahar jo shab se azim-tar hai