na ab raqiib na naaseh na gam gusaar koi
— Faiz Ahmad Faiz
Na ab raqeeb na naaseh na gham-gusaar koee
Tum aashnaa the to thiin aashnaa.iyaan kya kya
Judaa the ham to mayassar thiin qurbaten kitnee
Baham hue to paDee hain judaa.iyaan kya kya
Pahunch ke dar pe tire kitne mo'tabar Thahre
Agarche rah men huiin jag-hansaa.iyaan kya kya
Ham aise saada-dilon kee niyaaz-mandee se
Buton ne kee hain jahaan men khuda.iyaan kya kya
Sitam pe khush kabhee lutf-o-karam se ranjeeda
Sikhaa.een tum ne hamen kaj-adaa.iyaan kya kya