na kisi pe zakhm ayaan koi na kisi ko fikr rafuu ki hai

Na kisee pe zakhm ayaan koee na kisee ko fikr rafoo kee hai Na karam hai ham pe habeeb kaa na nigaah ham pe adoo kee hai Saf-e-zaahidaan hai to be-yaqeen saf-e-mai-kashaan hai to be-talab Na wo sub.h vird-o-vazoo kee hai na wo shaam jaam-o-suboo kee hai Na ye gham nayaa na sitam nayaa ki tiree jafaa kaa gilaa karen Ye nazar thee pahle bhee muztarib ye kasak to dil men kabhoo kee hai Kaf-e-baaghbaan pe bahaar-e-gul kaa hai qarz pahle se besh-tar Ki har ek phuul ke pairahan men numood mere lahoo kee hai Naheen khauf-e-roz-e-siyah hamen ki hai 'faiz' zarf-e-nigaah men Abhee gosha-geer wo ik kiran jo lagan us aa.eena-roo kee hai