nisaar main terii galiyon ke nisaar main tirii galiyon ke ai vatan ki jahaan

Nisaar main tiree galiyon ke ai vatan ki jahaan Chalee hai rasm ki koi na sar uThaa ke chale Jo koi chaahne vaalaa tavaaf ko nikle Nazar churaa ke chale jism o jaan bachaa ke chale Hai ahl-e-dil ke liye ab ye nazm-e-bast-o-kushaad Ki sang-o-khisht muqayyad hain aur sag aazaad Bahut hai zulm ke dast-e-bahaana-joo ke liye Jo chand ahl-e-junoon tere naam-levaa hain Bane hain ahl-e-havas mudda.ee bhee munsif bhee Kise vakeel karen kis se munsifee chaahen Magar guzaarne vaalon ke din guzarte hain Tire firaaq men yuun sub.h o shaam karte hain Bujhaa jo rauzan-e-zindaan to dil ye samjhaa hai Ki teree maang sitaaron se bhar ga.ee hogee Chamak uThe hain salaasil to ham ne jaanaa hai Ki ab sahar tire rukh par bikhar ga.ee hogee Gharaz tasavvur-e-shaam-o-sahar men jiite hain Giraft-e-saaya-e-deevaar-o-dar men jiite hain Yoonhee hamesha ulajhtee rahi hai zulm se khalq Na un kee rasm na.ee hai na apnee riit na.ee Yoonhee hamesha khilaa.e hain ham ne aag men phuul Na un kee haar na.ee hai na apnee jiit na.ee Isee sabab se falak kaa gila nahin karte Tire firaaq men ham dil buraa nahin karte Gar aaj tujh se judaa hain to kal baham honge Ye raat bhar kee judaa.ee to koi baat nahin Gar aaj auj pe hai taala-e-raqeeb to kya Ye chaar din kee khudaai to koi baat nahin Jo tujh se ahd-e-wafa ustuvaar rakhte hain Ilaaj-e-gardish-e-lail-o-nahaar rakhte hain Nisar main teri galiyon ke ai watan ki jahan Chali hai rasm ki koi na sar uTha ke chale Jo koi chahne wala tawaf ko nikle Nazar chura ke chale jism o jaan bacha ke chale Hai ahl-e-dil ke liye ab ye nazm-e-bast-o-kushad Ki sang-o-KHisht muqayyad hain aur sag aazad Bahut hai zulm ke dast-e-bahana-ju ke liye Jo chand ahl-e-junun tere nam-lewa hain Bane hain ahl-e-hawas muddai bhi munsif bhi Kise wakil karen kis se munsifi chahen Magar guzarne walon ke din guzarte hain Tere firaq mein yun subh o sham karte hain Bujha jo rauzan-e-zindan to dil ye samjha hai Ki teri mang sitaron se bhar gai hogi Chamak uThe hain salasil to hum ne jaana hai Ki ab sahar tere ruKH par bikhar gai hogi Gharaz tasawwur-e-sham-o-sahar mein jite hain Giraft-e-saya-e-diwar-o-dar mein jite hain Yunhi hamesha ulajhti rahi hai zulm se KHalq Na un ki rasm nai hai na apni rit nai Yunhi hamesha khilae hain hum ne aag mein phul Na un ki haar nai hai na apni jit nai Isi sabab se falak ka gila nahin karte Tere firaq mein hum dil bura nahin karte Gar aaj tujh se juda hain to kal baham honge Ye raat bhar ki judai to koi baat nahin Gar aaj auj pe hai tala-e-raqib to kya Ye chaar din ki KHudai to koi baat nahin Jo tujh se ahd-e-wafa ustuwar rakhte hain Ilaj-e-gardish-e-lail-o-nahaar rakhte hain