paas raho tum mire paas raho

Tum mire paas raho Mire qaatil, mire dildaar mire paas raho Jis ghaDee raat chale, Aasmaanon kaa lahoo pee ke siyah raat chale Marham-e-mushk liye, nashtar-e-almaas liye Bain kartee huee hanstee huee gaatee nikle Dard ke kaasnee paazeb bajaatee nikle Jis ghaDee seenon men Duube hue dil Aasteenon men nihaan haathon kee rah takne lage Aas liye Aur bachchon ke bilakne kee tarah qulqul-e-mai Bahr-e-naa-soodgee machle to manaa.e na mane Jab koi baat banaa.e na bane Jab na koi baat chale Jis ghaDee raat chale Jis ghaDee maatamee sunsaan siyah raat chale Paas raho Mire qaatil, mire dildaar mire paas raho Tum mere pas raho Mere qatil, mere dildar mere pas raho Jis ghaDi raat chale, Aasmanon ka lahu pi ke siyah raat chale Marham-e-mushk liye, nashtar-e-almas liye Bain karti hui hansti hui gati nikle Dard ke kasni pazeb bajati nikle Jis ghaDi sinon mein Dube hue dil Aastinon mein nihan hathon ki rah takne lage Aas liye Aur bachchon ke bilakne ki tarah qulqul-e-mai Bahr-e-na-sudgi machle to manae na mane Jab koi baat banae na bane Jab na koi baat chale Jis ghaDi raat chale Jis ghaDi matami sunsan siyah raat chale Pas raho Mere qatil, mere dildar mere pas raho