qarz e nigaah e yaar adaa kar chuke hain ham

Qarz-e-nigaah-e-yaar adaa kar chuke hain ham Sab Kuch nisaar-e-raah-e-wafa kar chuke hain ham Kuch imtihaan-e-dast-e-jafaa kar chuke hain ham Kuch un kee dastaras kaa pataa kar chuke hain ham Ab ehtiyaat kee koee soorat naheen rahee Qaatil se rasm-o-raah sivaa kar chuke hain ham Dekhen hai kaun kaun zaroorat naheen rahee Koo-e-sitam men sab ko khafaa kar chuke hain ham Ab apna ikhtiyaar hai chaahe jahaan chalen Rahbar se apnee raah judaa kar chuke hain ham Un kee nazar men kya karen pheekaa hai ab bhee rang Jitnaa lahoo thaa sarf-e-qabaa kar chuke hain ham Kuch apne dil kee khoo kaa bhee shukraana chaahiye Sau baar un kee khoo kaa gilaa kar chuke hain ham