rah e khizaan men talaash e bahaar karte rahe

Rah-e-khizaan men talaash-e-bahaar karte rahe Shab-e-siyah se talab husn-e-yaar karte rahe Khayaal-e-yaar kabhee zikr-e-yaar karte rahe Isee mataa.a pe ham rozgaar karte rahe Naheen shikaayat-e-hijraan ki is vaseele se Ham un se rishta-e-dil ustuvaar karte rahe Wo din ki koee bhee jab vaj.h-e-intizaar na thee Ham un men teraa sivaa intizaar karte rahe Ham apne raaz pe naazaan the sharmsaar na the Har ek se sukhan-e-raaz-daar karte rahe Ziyaa-e-bazm-e-jahaan baar baar maand huee Hadees-e-shola-rukhaan baar baar karte rahe Unheen ke faiz se baazaar-e-aql raushan hai Jo gaah gaah junoon ikhtiyaar karte rahe