rang hai dil kaa mire tum na aae the to har ik chiiz vahii thii ki jo hai

Tum na aa.e the to har ik chiiz vahee thee ki jo hai Aasmaan hadd-e-nazar raahguzar raahguzar sheesha-e-mai sheesha-e-mai Aur ab sheesha-e-mai raahguzar rang-e-falak Rang hai dil kaa mire khoon-e-jigar hone tak Champa.ee rang kabhee raahat-e-deedaar kaa rang Surma.ee rang ki hai saa.at-e-bezaar kaa rang Zard patton kaa khas-o-khaar kaa rang Surkh phoolon kaa dahakte hue gulzaar kaa rang Zahr kaa rang lahoo rang shab-e-taar kaa rang Aasmaan raahguzar sheesha-e-mai Koee bheegaa huaa daaman koi dukhtee huee rag Koee har lahza badaltaa huaa aa.eena hai Ab jo aa.e ho to Thahro ki koi rang koi rut koi shai Ek jagah par Thahre Phir se ik baar har ik chiiz vahee ho ki jo hai Aasmaan hadd-e-nazar raahguzar raahguzar sheesha-e-mai sheesha-e-mai Tum na aae the to har ek chiz wahi thi ki jo hai Aasman hadd-e-nazar rahguzar rahguzar shisha-e-mai shisha-e-mai Aur ab shisha-e-mai rahguzar rang-e-falak Rang hai dil ka mere KHun-e-jigar hone tak Champai rang kabhi rahat-e-didar ka rang Surmai rang ki hai saat-e-bezar ka rang Zard patton ka KHas-o-KHar ka rang SurKH phulon ka dahakte hue gulzar ka rang Zahr ka rang lahu rang shab-e-tar ka rang Aasman rahguzar shisha-e-mai Koi bhiga hua daman koi dukhti hui rag Koi har lahza badalta hua aaina hai Ab jo aae ho to Thahro ki koi rang koi rut koi shai Ek jagah par Thahre Phir se ek bar har ek chiz wahi ho ki jo hai Aasman hadd-e-nazar rahguzar rahguzar shisha-e-mai shisha-e-mai