sab qatl ho ke tere muqaabil se aae hain

Sab qatl ho ke tere muqaabil se aa.e hain Ham log surkh-roo hain ki manzil se aa.e hain Sham-e-nazar khayaal ke anjum jigar ke daagh Jitne charaagh hain tiree mahfil se aa.e hain UTh kar to aa ga.e hain tiree bazm se magar Kuch dil hee jaantaa hai ki kis dil se aa.e hain Har ik qadam ajal thaa har ik gaam zindagee Ham ghuum phir ke koocha-e-qaatil se aa.e hain Baad-e-khizaan kaa shukr karo 'faiz' jis ke haath Naame kisee bahaar-e-shimaa.il se aa.e hain