sabhii Kuch hai teraa diyaa huaa sabhii raahaten sabhii kulfaten

Sabhee Kuch hai teraa diyaa huaa sabhee raahaten sabhee kulfaten Kabhi sohbaten kabhi furqaten kabhi dooriyaan kabhi qurbaten Ye sukhan jo ham ne raqam kiye ye hain sab varaq tiree yaad ke Koi lamha sub.h-e-visaal kaa koi shaam-e-hijr kee muddaten Jo tumhaaree maan len naasehaa to rahegaa daaman-e-dil men kya Na kisee adoo kee adaavaten na kisee sanam kee muravvaten Chalo aao tum ko dikhaa.en ham jo bachaa hai maqtal-e-shahr men Ye mazaar ahl-e-safaa ke hain ye hain ahl-e-sidq kee turbaten Miree jaan aaj kaa gham na kar ki na jaane kaatib-e-vaqt ne Kisee apne kal men bhee bhuul kar kaheen likh rakhee hon masarraten