shaikh saahab se rasm o raah na ki
— Faiz Ahmad Faiz
Shaikh saahab se rasm-o-raah na kee
Shukr hai zindagee tabaah na kee
Tujh ko dekhaa to ser-chashm hue
Tujh ko chaahaa to aur chaah na kee
Tere dast-e-sitam kaa ijz naheen
Dil hee kaafir thaa jis ne aah na kee
The shab-e-hijr kaam aur bahut
Ham ne fikr-e-dil-e-tabaah na kee
Kaun qaatil bachaa hai shahr men 'faiz'
Jis se yaaron ne rasm-o-raah na kee