subh e aazaadii august 47 ye daag daag ujaalaa ye shab gaziida sahar

Ye daagh daagh ujaalaa ye shab-gazeeda sahar Vo intizaar tha jis kaa ye wo sahar to nahin Ye wo sahar to nahin jis kee aarzoo le kar Chale the yaar ki mil jaa.egee kaheen na kaheen Falak ke dasht men taaron kee aakhiree manzil Kaheen to hogaa shab-e-sust-mauj kaa saahil Kaheen to jaa ke rukegaa safeena-e-gham dil Javaan lahoo kee pur-asraar shaah-raahon se Chale jo yaar to daaman pe kitne haath paDe Dayaar-e-husn kee be-sabr khvaab-gaahon se Pukaartee raheen baahen badan bulaate rahe Bahut aziiz thee lekin rukh-e-sahar kee lagan Bahut qareen tha haseenan-e-noor kaa daaman Subuk subuk thee tamannaa dabee dabee thee thakan Sunaa hai ho bhee chukaa hai firaaq-e-zulmat-o-noor Sunaa hai ho bhee chukaa hai visaal-e-manzil-o-gaam Badal chukaa hai bahut ahl-e-dard kaa dastoor Nashaat-e-vasl halaal o azaab-e-hijr haraam Jigar kee aag nazar kee umang dil kee jalan Kisee pe chaara-e-hijraan kaa kuch asar hee nahin Kahaan se aa.ee nigaar-e-sabaa kidhar ko ga.ee Abhee charaagh-e-sar-e-rah ko kuch khabar hee nahin Abhee giraanee-e-shab men kamee nahin aa.ee Najaat-e-deeda-o-dil kee ghaDee nahin aa.ee Chale-chalo ki wo manzil abhee nahin aa.ee Ye dagh dagh ujala ye shab-gazida sahar Wo intizar tha jis ka ye wo sahar to nahin Ye wo sahar to nahin jis ki aarzu le kar Chale the yar ki mil jaegi kahin na kahin Falak ke dasht mein taron ki aaKHiri manzil Kahin to hoga shab-e-sust-mauj ka sahil Kahin to ja ke rukega safina-e-gham dil Jawan lahu ki pur-asrar shah-rahon se Chale jo yar to daman pe kitne hath paDe Dayar-e-husn ki be-sabr KHwab-gahon se Pukarti rahin bahen badan bulate rahe Bahut aziz thi lekin ruKH-e-sahar ki lagan Bahut qarin tha hasinan-e-nur ka daman Subuk subuk thi tamanna dabi dabi thi thakan Suna hai ho bhi chuka hai firaq-e-zulmat-o-nur Suna hai ho bhi chuka hai visal-e-manzil-o-gam Badal chuka hai bahut ahl-e-dard ka dastur Nashat-e-wasl halal o azab-e-hijr haram Jigar ki aag nazar ki umang dil ki jalan Kisi pe chaara-e-hijran ka kuch asar hi nahin Kahan se aai nigar-e-saba kidhar ko gai Abhi charagh-e-sar-e-rah ko kuch KHabar hi nahin Abhi girani-e-shab mein kami nahin aai Najat-e-dida-o-dil ki ghaDi nahin aai Chale-chalo ki wo manzil abhi nahin aai