terii suurat jo dil nashiin ki hai
— Faiz Ahmad Faiz
Teree soorat jo dil-nasheen kee hai
Aashnaa shakl har haseen kee hai
Husn se dil lagaa ke hastee kee
Har ghaDee ham ne aatisheen kee hai
Sub.h-e-gul ho ki shaam-e-mai-khaana
Mad.h us roo-e-naazneen kee hai
Shaikh se be-hiraas milte hain
Ham ne tauba abhee nahin kee hai
Zikr-e-dozakh bayaan-e-hoor o qusoor
Baat goyaa yaheen kaheen kee hai
Ashk to Kuch bhee rang laa na sake
Khoon se tar aaj aasteen kee hai
Kaise maanen haram ke sahl-pasand
Rasm jo aashiqon ke diin kee hai
'faiz' auj-e-khayaal se ham ne
Aasmaan sindh kee zameen kee hai