tire gam ko jaan ki talaash thii tire jaan nisaar chale gae

Tire gham ko jaan kee talaash thee tire jaan-nisaar chale ga.e Tiree rah men karte the sar talab sar-e-rahguzaar chale ga.e Tiree kaj-adaa.ee se haar ke shab-e-intizaar chalee ga.ee Mire zabt-e-haal se rooth kar mire gham-gusaar chale ga.e Na savaal-e-vasl na arz-e-gham na hikaayaten na shikaayaten Tire ahd men dil-e-zaar ke sabhee ikhtiyaar chale ga.e Ye hameen the jin ke libaas par sar-e-rah siyaahi likhee ga.ee Yahee daagh the jo sajaa ke ham sar-e-bazm-e-yaar chale ga.e Na raha junoon-e-rukh-e-wafa ye rasan ye daar karoge kya Jinhen jurm-e-ishq pe naaz tha wo gunaahgaar chale ga.e