tirii umiid tiraa intizaar jab se hai

Tiree umiid tiraa intizaar jab se hai Na shab ko din se shikaayat na din ko shab se hai Kisee kaa dard ho karte hain tere naam raqam Gila hai jo bhee kisee se tire sabab se hai Huaa hai jab se dil-e-naa-suboor be-qaaboo Kalaam tujh se nazar ko baDe adab se hai Agar sharar hai to bhaDke jo phuul hai to khile Tarah tarah kee talab tere rang-e-lab se hai Kahaan ga.e shab-e-furqat ke jaagne vaale Sitaara-e-saharee ham-kalaam kab se hai