tum apnii karnii kar guzro ab kyuun us din kaa zikr karo

Ab kyuun us din kaa zikr karo Jab dil TukDe ho jaa.egaa Aur saare gham miT jaa.enge Jo kuch paayaa kho jaa.egaa Jo mil na sakaa wo paa.enge Ye din to vahee pahlaa din hai Jo pahlaa din tha chaahat kaa Ham jis kee tamannaa karte rahe Aur jis se har dam Darte rahe Ye din to ka.ee baar aayaa Sau baar base aur ujaD ga.e Sau baar luTe aur bhar paayaa Ab kyuun us din kaa zikr karo Jab dil TukDe ho jaa.egaa Aur saare gham miT jaa.enge Tum khauf-o-khatar se dar-guzro Jo honaa hai so honaa hai Gar hansnaa hai to hansnaa hai Gar ronaa hai to ronaa hai Tum apnee karnee kar guzro Jo hogaa dekhaa jaa.egaa Ab kyun us din ka zikr karo Jab dil TukDe ho jaega Aur sare gham miT jaenge Jo kuch paya kho jaega Jo mil na saka wo paenge Ye din to wahi pahla din hai Jo pahla din tha chahat ka Hum jis ki tamanna karte rahe Aur jis se har dam Darte rahe Ye din to kai bar aaya Sau bar base aur ujaD gae Sau bar luTe aur bhar paya Ab kyun us din ka zikr karo Jab dil TukDe ho jaega Aur sare gham miT jaenge Tum KHauf-o-KHatar se dar-guzro Jo hona hai so hona hai Gar hansna hai to hansna hai Gar rona hai to rona hai Tum apni karni kar guzro Jo hoga dekha jaega