tumhaarii yaad ke jab zakhm bharne lagte hain
— Faiz Ahmad Faiz
Tumhaaree yaad ke jab zakhm bharne lagte hain
Kisee bahaane tumhen yaad karne lagte hain
Hadees-e-yaar ke unvaan nikharne lagte hain
To har hareem men gesoo sanvarne lagte hain
Har ajnabee hamen mahram dikhaa.ee deta hai
Jo ab bhee teree galee se guzarne lagte hain
Sabaa se karte hain ghurbat-naseeb zikr-e-vatan
To chashm-e-sub.h men aansoo ubharne lagte hain
Wo jab bhee karte hain is nutq o lab kee bakhiya-garee
Fazaa men aur bhee naghme bikharne lagte hain
Dar-e-qafas pe andhere kee mohr lagtee hai
To 'faiz' dil men sitaare utarne lagte hain