va yabqaa vajh o rabbik hum dekhenge ham dekhenge

Ham dekhenge Laazim hai ki ham bhee dekhenge Vo din ki jis kaa va.ada hai Jo lauh-e-azal men likhkhaa hai Jab zulm-o-sitam ke koh-e-giraan Ruuee kee tarah uD jaa.enge Ham mahkoomon ke paanv-tale Jab dhartee dhaD-dhaD dhaDkegee Aur ahl-e-hakam ke sar-oopar Jab bijlee kaD-kaD kaDkegee Jab arz-e-khuda ke ka.abe se Sab but uThvaa.e jaa.enge Ham ahl-e-safaa mardood-e-haram Masnad pe biThaa.e jaa.enge Sab taaj uchhaale jaa.enge Sab takht giraa.e jaa.enge Bas naam rahegaa allaah kaa Jo ghaa.eb bhee hai haazir bhee Jo manzar bhee hai naazir bhee UTThegaa anal-haq kaa na.ara Jo main bhee hoon aur tum bhee ho Aur raaj karegee khalq-e-khuda Jo main bhee hoon aur tum bhee ho Hum dekhenge Lazim hai ki hum bhi dekhenge Wo din ki jis ka wada hai Jo lauh-e-azal mein likhkha hai Jab zulm-o-sitam ke koh-e-giran Rui ki tarah uD jaenge Hum mahkumon ke panw-tale Jab dharti dhaD-dhaD dhaDkegi Aur ahl-e-hakam ke sar-upar Jab bijli kaD-kaD kaDkegi Jab arz-e-KHuda ke kabe se Sab but uThwae jaenge Hum ahl-e-safa mardud-e-haram Masnad pe biThae jaenge Sab taj uchhaale jaenge Sab taKHt girae jaenge Bas nam rahega allah ka Jo ghaeb bhi hai hazir bhi Jo manzar bhi hai nazir bhi UTThega anal-haq ka nara Jo main bhi hun aur tum bhi ho Aur raj karegi KHalq-e-KHuda Jo main bhi hun aur tum bhi ho