wo buton ne daale hain vasvase ki dilon se khauf e khuda gaya

Wo buton ne Daale hain vasvase ki dilon se khauf-e-khuda gaya Wo paDee hain roz qayaamaten ki khayaal-e-roz-e-jazaa gaya Jo nafas thaa khaar-e-guloo banaa jo uThe the haath lahoo hue Wo nashaat-e-aah-e-sahr ga.ee wo vaqaar-e-dast-e-duaa gaya Na wo rang fasl-e-bahaar kaa na ravish wo abr-e-bahaar kee Jis adaa se yaar the aashnaa wo mizaaj-e-baad-e-sabaa gaya Jo talab pe ahd-e-wafa kiyaa to wo aabroo-e-wafa ga.ee Sar-e-aam jab hue mudda.ee to savaab-e-sidq-o-safaa gaya Abhee baadbaan ko tah rakho abhee muztarib hai rukh-e-havaa Kisee raaste men hai muntazir wo sukoon jo aa ke chalaa gaya